過份！光天化日　巴士情侶上演「動作」真人騷

十年前一個巴士阿叔，係巴士度喪鬧人，「你有壓力我有壓力」「未解決」成為經典金句。

不過喺巴士上都唔一定淨係得鬧人嘅，都有人鍾意做埋啲好sweet嘅嘢，啱啱就有讀者提供左一條短片，睇到一對年輕情侶睇巴士上做出大量好激嘅親熱動作。

據目擊者講，事發當日下午三點半喺112由蘇屋去北角嘅巴士上，有對年青情侶喺旺角上車，佢哋最初坐喺巴士上層中間位置，不過中就掉位去較後位置，其實佢哋前後都仲有唔少乘客。

但係佢哋都好少理，情到濃時嗰陣，竟然喺個位度瘋狂地錫，附近嘅乘客陸續走晒之後，佢哋嘅動作越來越大膽，隻手仲開始有所動作......至於女方都唔蝕底，將隻手放番喺男方大脾上........

嘩嘩嘩........夠啦，巴士係公眾地方黎架，唔好咁過分好喎！